អំណោយដ៏វិសេស

10,000

… សេចក្តី​​​ស្រឡាញ់ដ៏ពិត​​​ …​​​ ការចែករំលែក … អត្ថន័យពិត​​​នៃបុណ្យគ្រីស្ទម៉ាស ​…

ប្រភេទ​:

សេចក្ដីពិពណ៌នា

អំណោយដ៏វិសេស

រឿង អំណោយដ៏វិសេស មានបំណងជួយកុមារឲ្យ​​​ស្វែងរក​​​ឃើញនូវ​​​សេចក្តី​​​ស្រឡាញ់ដ៏ពិត​​​ ហើយ​​​ក៏ជួយ​​​ពួក​​​គេឲ្យ​​​ចេះបង្ហាញ​​​ទឹកចិត្ត​​​គោរពស្រឡាញ់​​​ដល់​​​អ្នកដែល​​​មាន​​​គុណ និង​​​អ្នកដែល​​​ស្រឡាញ់ពួកគេផងដែរ។

​​​មិន​​​តែ​​​ប៉ុណ្ណោះ​​​ក៏ចង់​​​ជួយ​​​កុមារ​​​ឲ្យចេះ​​​ចែករំលែកអ្វីដែលខ្លួន​​​មាន​​​ឲ្យ​​​ដល់​​​អ្នកដទៃ ព្រម​​​ទាំ​​ង​​​ចេះរៀបចំផែន​​​ការ​​​ និង​​​ធ្វើការ​​​ជាក្រុម​​​បាន​​​យ៉ាង​​​ជោគជ័យ។ លើសពីនេះទៅទៀត តាមរយៈរឿងនេះ កុមារនឹង​​​ដឹង​​​ពី​​​អត្ថន័យពិត​​​នៃបុណ្យគ្រីស្ទម៉ាស ឬបុណ្យណូអែល​​​ផងដែរ។

របៀប​​​ប្រើ​​​ប្រាស់​​​សៀវភៅ​​​នេះ៖

  • សូម​​​ឪពុក​​​ម្តាយ​​​ ឬអាណាព្យាបាល​​​ចំណាយ​​​ពេល​​​អាន​​​ ឬនៅ​​​ជាមួយ​​​កូនៗ​​​ពេល​​​អាន។
  • សូម​​​អាន​​​ដោយ​​​បញ្ចេញ​​​សំឡេង បញ្ចូល​​​មនោសញ្ចេតនា និង​​​ជួយ​​​ពន្យល់ពាក្យ​​​ ព្រម​​​ទាំង​​​អត្ថន័យ​​​ដល់​​​កូនៗ។
  • សូមមេត្តា​​​កំុ​​​សួរ​​​សំណួរ​​​ទៅ​​​កូនៗ ពេល​​​កំពុង​​​អាន។
  • សូម​​​លើក​​​ទឹក​​​ចិត្ត​​​កូនៗ​​​ឲ្យរៀន​​​អាន​​​ដោយ​​​ខ្លួន​​​ឯង និង​​​រំលឹក​​​ចំណុច​​​សំខាន់ៗ។
  • សូម​​​លើក​​​ទឹក​​​ចិត្ត​​​កូនៗ​​​ ឲ្យ​​​ធ្វើ​​​សំណួរ​​​ល្បង​​​ប្រាជ្ញា​​​បន្ទាប់​​​ពី​​​អាន​​​ចប់ ដោយ​​​ផ្តល់​​​ឱកាស​​​ឲ្យ​​​កូនៗ​​​ឆ្លើយ​​​សំណួរ​​​ដោយ​​​ខ្លួន​​​ឯង។

និពន្ធឡើងដោយ លោក ជឹម ទិត្យមករា និងអ្នកស្រី ហឹុម រដ្ឋា។ សព្វថ្ងៃលោក មករា បម្រើការងារនៅអង្គការគ្រឹះស្ថាន​​​ផលិតសៀវភៅ​​​ប្រភពប្រាជ្ញា រីឯអ្នកស្រី រដ្ឋា បម្រើការងារនៅអង្គការ​​​ជំហានបន្ទាប់ (NextSteps)​​​ ដែលជួយគាំទ្រ​​​ និង​​​ផ្តល់​​​ការ​​​ព្យាបាល​​​ដល់​​​កុមារ​​​កម្ពុជា ដែល​​​កំពុង​​​រស់​​​នៅ​​​ដោយ​​​មានរាង​​​កាយ​​​ទន់​​​ខ្សោយ និង​​​ពិការភាព។ អំណោយដ៏វិសេស ជាសៀវភៅទី៥ ដែល​​​អ្នកទាំងពីរបានសរសេរ និង​​​បោះពុម្ពផ្សាយដោយអង្គការគ្រឹះស្ថាន​​​ផលិតសៀវភៅ​​​ប្រភពប្រាជ្ញា។

សៀវភៅនេះគូររូបភាពដោយ យុវជន លីន ដាវីត តាមកម្មវិធីក្នុងកុំព្យូទ័រ។ សព្វថ្ងៃ ដាវីតជាសិស្សរៀននៅវិទ្យាល័យ ហ៊ុន សែន ប៊ុនរ៉ានី ផ្សារដើមថ្កូវ។

ការ​ពិនិត្យ​ និង​វាយ​តំលៃ

មិន​មាន​ការពិនិត្យ​ និង​វាយ​តំលៃ​ទេ

ក្លាយ​ជា​អតិថិជន​ដំបូង​បង្អស់ក្នុង​ការ​ពិនិត្យ​ និង​វាយ​តំលៃ​ “អំណោយដ៏វិសេស”

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *