កណ្តូប ចង្រិត និងស្រមោច

សេចក្ដីពិពណ៌នា

សៀវភៅ កណ្តូប ចង្រិត និង​​​ស្រមោច បង្ហាញឲ្យ​​​ឃើញ​​​ពី​​​ការ​​​ឧស្សាហ៍​​​ព្យាយាម និង​​​កុំឲ្យ​​​ធ្វេស​​​ប្រហែស ហើយនិង​​​កុំឲ្យ​​​ឆាប់​​​ជឿ​​​ពាក្យ​​​ញុះញង់​​​ពី​​​មនុស្ស​​​មួយ​​​ចំនួន​​​។ សៀវភៅនេះ​​​នឹង​​​ជួយជំរុញ​​​ចិត្ត​​​កុមារ​​​ឲ្យ​​​ខិតខំ​​​ប្រឹង​​​ប្រែង​​​សិក្សា​​​ឲ្យ​​​អស់​​​ពី​​​សមត្ថភាព ដើម្បីសម្រេចគោលដៅឲ្យ​​​បាន​​​​​​ជោគជ័យ។

របៀប​​​ប្រើ​​​ប្រាស់​​​សៀវភៅ​​​នេះ៖

• សូម​​​ឪពុក​​​ម្តាយ​​​ ឬអាណាព្យាបាល​​​ចំណាយ​​​ពេល​​​អាន​​​ ឬនៅ​​​ជាមួយ​​​កូនៗ​​​ពេល​​​អាន។
• សូម​​​អាន​​​ដោយ​​​បញ្ចេញ​​​សំឡេង បញ្ចូល​​​មនោសញ្ចេតនា និង​​​ជួយ​​​ពន្យល់ពាក្យ​​​ ព្រម​​​ទាំង​​​អត្ថន័យ​​​ដល់​​​កូនៗ។
• សូមមេត្តា​​​កំុ​​​សួរ​​​សំណួរ​​​ទៅ​​​កូនៗ ពេល​​​កំពុង​​​អាន។
• សូម​​​លើក​​​ទឹក​​​ចិត្ត​​​កូនៗ​​​ឲ្យរៀន​​​អាន​​​ដោយ​​​ខ្លួន​​​ឯង និង​​​រំលឹក​​​ចំណុច​​​សំខាន់ៗ។
• សូម​​​លើក​​​ទឹក​​​ចិត្ត​​​កូនៗ​​​ ឲ្យ​​​ធ្វើ​​​សំណួរ​​​ល្បង​​​ប្រាជ្ញា​​​បន្ទាប់​​​ពី​​​អាន​​​ចប់ ដោយ​​​ផ្តល់​​​ឱកាស​​​ឲ្យ​​​កូនៗ​​​ឆ្លើយ​​​សំណួរ​​​ដោយ​​​ខ្លួន​​​ឯង។

សៀវភៅនេះនិពន្ធឡើងដោយ លោក សេង​​​ មេ៉ង​​​ស្រុង ជាអ្នកនិពន្ធខ្មែរ​​​ដែល​​​ទទួល​​​បានការបណ្តុះបណ្តាលពីអង្គការគ្រឹះស្ថានផលិតសៀវភៅប្រភពប្រាជ្ញា។ នេះជា​​​សៀវភៅ​​​ទី១ ដែលលោកបាននិពន្ធ។

សៀវភៅនេះគូររូបភាពដោយ ហម អរុណ។ លោកមានចំណូលចិត្តគូរគំនូរ ចម្លាក់ និងចូលចិត្តសូនរូប។