ដើមស្រូវ

សេចក្ដីពិពណ៌នា

សៀវភៅ ដើមស្រូវ ជារឿង​​​មួយ​​​ជួ​​​យ​​​ឲ្យ​​​កុមារ​​​គិត​​​អំពី​​​អាហារ​​​ពិសេស​​​ម៉្យាង​​​ ដែល​​​ជួយ​​​ដល់​​​ជីវិត​​​ខាង​​​ក្នុង ដូច​​​ជា​​​បាយ​​​ដែល​​​ជួយ​​​ដល់​​​រាង​​​កាយ​​​ខាង​​​ក្រៅដែរ។ សៀវភៅនេះក៏​​​ជួយ​​​កុមារ​​​ឲ្យ​​​យល់​​​ដឹង​​​អំពី​​​ការ​​​ដុះ​​​លូត​​​លាស់​​​របស់​​​ដើម​​​ស្រូវ។ លើស​​​ពីនេះទៅ​​​ទៀត ចង់​​​ឲ្យ​​​កុមារ​​​ចេះ​​​លះ​​​ចោល​​​គំនិត​​​ឆ្មើងឆ្មៃ និង​​​អំនួត​​​អួត​​​អាង ដើម្បី​​​ត្រឡប់​​​មក​​​ធ្វើ​​​ការងារ​​​ជាក្រុម ហើយ​​​និងរៀន​​​ស្វែង​​​យល់​​​ពី​​​អាហារ​​​ខាង​​​ព្រលឹង​​​វិញ្ញាណផងដែរ។

របៀប​​​ប្រើ​​​ប្រាស់​​​សៀវភៅ​​​នេះ៖

• សូម​​​ឪពុក​​​ម្តាយ​​​ ឬអាណាព្យាបាល​​​ចំណាយ​​​ពេល​​​អាន​​​ ឬនៅ​​​ជាមួយ​​​កូនៗ​​​ពេល​​​អាន។
• សូម​​​អាន​​​ដោយ​​​បញ្ចេញ​​​សំឡេង បញ្ចូល​​​មនោសញ្ចេតនា និង​​​ជួយ​​​ពន្យល់ពាក្យ​​​ ព្រម​​​ទាំង​​​អត្ថន័យ​​​ដល់​​​កូនៗ។
• សូមមេត្តា​​​កំុ​​​សួរ​​​សំណួរ​​​ទៅ​​​កូនៗ ពេល​​​កំពុង​​​អាន។
• សូម​​​លើក​​​ទឹក​​​ចិត្ត​​​កូនៗ​​​ឲ្យរៀន​​​អាន​​​ដោយ​​​ខ្លួន​​​ឯង និង​​​រំលឹក​​​ចំណុច​​​សំខាន់ៗ។
• សូម​​​លើក​​​ទឹក​​​ចិត្ត​​​កូនៗ​​​ ឲ្យ​​​ធ្វើ​​​សំណួរ​​​ល្បង​​​ប្រាជ្ញា​​​បន្ទាប់​​​ពី​​​អាន​​​ចប់ ដោយ​​​ផ្តល់​​​ឱកាស​​​ឲ្យ​​​កូនៗ​​​ឆ្លើយ​​​សំណួរ​​​ដោយ​​​ខ្លួន​​​ឯង។

សៀវភៅនេះនិពន្ធឡើង និងគូររូបភាពដោយ លោកស្រី អាយ៉ាកូ អូហ្គាវ៉ា បេលត្រាន ជាបេសកជន​​​មកពីប្រទេសជប៉ុន បម្រើកការនៅស្រុកខែ្មរ ជាច្រើនឆ្នាំ។ នេះជា​​​សៀវភៅ​​​ទី១ ដែលអ្នកស្រីបាននិពន្ធ ហើយ​​​បោះពុម្ពផ្សាយ​​​ដោយ​​​អង្គការគ្រឹះស្ថានផលិតសៀវភៅប្រភពប្រាជ្ញា​​​។