​​​​​​​​​ប្រាក់ ២០០០ រៀល

សេចក្ដីពិពណ៌នា

សៀវភៅ ប្រាក់ ២០០០រៀល ចង់​​​លើក​​​ទឹកចិត្ត​​​ក្មេងៗឲ្យ​​​ដឹង​​​ថា ទ្រព្យសម្បត្តិពិត​​​ប្រាកដ មិន​​​សំដៅលើ​​​ប្រាក់​​​តិច ឬច្រើន​​​នោះទេ ប៉ុន្តែចង់​​​សំដៅទៅ​​​លើ​​​សេចក្តី​​​ស្រឡាញ់ ការ​​​យក​​​ចិត្ត​​​ទុក និង​​​ចេះ​​​ចែក​​​រំលែក​​​ដល់​​​គ្នា​​​ទៅ​​​វិញ​​​ទៅមក។ មិនតែប៉ុណ្ណោះ សៀវភៅនេះក៏​​​ចង់​​​បង្រៀន​​​កុមារ​​​ឲ្យ​​​រៀន​​​ស្កប់​​​ចិត្ត និង​​​ពេញ​​​ចិត្ត​​​ចំពោះ​​​អ្វី​​​ដែល​​​ខ្លួន​​​មាន។

របៀប​​​ប្រើ​​​ប្រាស់​​​សៀវភៅ​​​នេះ៖

• សូម​​​ឪពុក​​​ម្តាយ​​​ ឬអាណាព្យាបាល​​​ចំណាយ​​​ពេល​​​អាន​​​ ឬនៅ​​​ជាមួយ​​​កូនៗ​​​ពេល​​​អាន។
• សូម​​​អាន​​​ដោយ​​​បញ្ចេញ​​​សំឡេង បញ្ចូល​​​មនោសញ្ចេតនា និង​​​ជួយ​​​ពន្យល់ពាក្យ​​​ ព្រម​​​ទាំង​​​អត្ថន័យ​​​ដល់​​​កូនៗ។
• សូមមេត្តា​​​កំុ​​​សួរ​​​សំណួរ​​​ទៅ​​​កូនៗ ពេល​​​កំពុង​​​អាន។
• សូម​​​លើក​​​ទឹក​​​ចិត្ត​​​កូនៗ​​​ឲ្យរៀន​​​អាន​​​ដោយ​​​ខ្លួន​​​ឯង និង​​​រំលឹក​​​ចំណុច​​​សំខាន់ៗ។
• សូម​​​លើក​​​ទឹក​​​ចិត្ត​​​កូនៗ​​​ ឲ្យ​​​ធ្វើ​​​សំណួរ​​​ល្បង​​​ប្រាជ្ញា​​​បន្ទាប់​​​ពី​​​អាន​​​ចប់ ដោយ​​​ផ្តល់​​​ឱកាស​​​ឲ្យ​​​កូនៗ​​​ឆ្លើយ​​​សំណួរ​​​ដោយ​​​ខ្លួន​​​ឯង។

រឿងនេះនិពន្ធឡើងដោយ អ្នកគ្រូ លី ពូ វ៉ាន់ រេបិកា ជាបេសកជនមកពីប្រទេសសឹង្ហបុរី។ អ្នកគ្រូបានបម្រើព្រះនៅប្រទេសកម្ពុជា ជាច្រើនឆ្នាំមកហើយ។ សព្វថ្ងៃអ្នកគ្រូកំពុងបម្រើព្រះនៅស្រុកខ្មែរ។  នេះជា​​​សៀវភៅ​​​ទី១ ដែលអ្នកគ្រូបាននិពន្ធ ហើយ​​​បោះពុម្ពផ្សាយ​​​ដោយអង្គការគ្រឹះស្ថានផលិតសៀវភៅប្រភពប្រាជ្ញា​​​។

សៀវភៅនេះគូររូបភាពដោយ យុវជន លីន ដាវីត តាមកម្មវិធីក្នុងកុំព្យូទ័រ។ សព្វថ្ងៃ ដាវីតជាសិស្សរៀននៅវិទ្យាល័យ ហ៊ុន សែន ប៊ុនរ៉ានី ផ្សារដើមថ្កូវ។