ដើមក្រូចចេះនិយាយ

សេចក្ដីពិពណ៌នា

តើ​​​អ្នក​​​ធ្លាប់​​​ជួប​​​ដើមក្រូច​​​ចេះ​​​និយាយ​​​ឬទេ? ដើម​​​ក្រូច​​​ចេះ​​​និយាយ​​​នេះ បាន​​​នាំ​​​ឲ្យ​​​កុមារ​​​២នាក់ចេះ​​​ធ្វើ​​​ការងារ​​​រួមគ្នា ចេះ​​​ចែក​​​រំលែក​​​អ្វី​​​ដែល​​​គេ​​​មាន ហើយ​​​មិន​​​ដេល​​​មាន​​​គំនិត​​​កេងប្រវ័ញ្ចគ្នាឡើយ។ ​​​ជាង​​​នេះ​​​ទៅទៀត កុមារ​​​ទាំង​​​ពីរ​​​បាន​​​បង្ហាញ​​​គំរូពី​​​ការ​​​សាមគ្គី និង​​​ការ​​​ឧស្សាហ៍ព្យាយាម​​​ក្នុង​​​ការងារ រហូត​​​បាន​​​សម្រេច​​​បំណង​​​ប្រាថ្នា​​​របស់​​​គេ​​​រៀង​​​ៗ​​​ខ្លួន។ សៀវភៅនេះ បាន​​​សរសេរ​​​ជាពីរ​​​ភាសា គឺ​​​ភាសាខ្មែរ និង​​​អង់​​​គ្លេស ដែល​​​នឹង​​​ជួយ​​​នាំ​​​អ្នក​​​អាន​​​ទាំង​​​អស់​​​ឲ្យ​​​ដឹងថា “ការ​​​ដែល​​​បាន​​​សំរេច​​​តាម​​​បំណង​​​ចិត្ត នោះ​​​មាន​​​រសផ្អែម​​​ដល់​​​ព្រលឹង​​​ហើយ” (សុភាសិត ១៣ៈ១៩ខ)។

របៀប​​​ប្រើ​​​ប្រាស់​​​សៀវភៅ​​​នេះ៖

• សូម​​​ឪពុក​​​ម្តាយ​​​ ឬអាណាព្យាបាល​​​ចំណាយ​​​ពេល​​​អាន​​​ ឬនៅ​​​ជាមួយ​​​កូនៗ​​​ពេល​​​អាន។
• សូម​​​អាន​​​ដោយ​​​បញ្ចេញ​​​សំឡេង បញ្ចូល​​​មនោសញ្ចេតនា និង​​​ជួយ​​​ពន្យល់ពាក្យ​​​ ព្រម​​​ទាំង​​​អត្ថន័យ​​​ដល់​​​កូនៗ។
• សូមមេត្តា​​​កំុ​​​សួរ​​​សំណួរ​​​ទៅ​​​កូនៗ ពេល​​​កំពុង​​​អាន។
• សូម​​​លើក​​​ទឹក​​​ចិត្ត​​​កូនៗ​​​ឲ្យរៀន​​​អាន​​​ដោយ​​​ខ្លួន​​​ឯង និង​​​រំលឹក​​​ចំណុច​​​សំខាន់ៗ។
• សូម​​​លើក​​​ទឹក​​​ចិត្ត​​​កូនៗ​​​ ឲ្យ​​​ធ្វើ​​​សំណួរ​​​ល្បង​​​ប្រាជ្ញា​​​បន្ទាប់​​​ពី​​​អាន​​​ចប់ ដោយ​​​ផ្តល់​​​ឱកាស​​​ឲ្យ​​​កូនៗ​​​ឆ្លើយ​​​សំណួរ​​​ដោយ​​​ខ្លួន​​​ឯង។

សៀវភៅនេះនិពន្ធឡើងដោយ លោកស្រី ​​​សីុមន សោភា។ លោកស្រីបានទទួល​​​ការ​​​បណ្តុះ​​​បណ្តាលធ្វើ​​​ជាគ្រូកុមារនៅព្រះវិហារទំនប់ទឹក ហើយលោកស្រី មាន​​​បទពិសោធន៍ជាច្រើន​​​ក្នុងការ​​​ហ្វឹកហ្វឺន​​​ដល់​​​គ្រូកុមារ​​​ នៅតាមបណ្តាខេត្ត​​​ក្នុង​​​ប្រទេសកម្ពុជា។ នេះជា​​​សៀវភៅ​​​ទី១ ដែលលោកស្រីបាននិពន្ធ ហើយ​​​បោះពុម្ពផ្សាយ​​​ដោយ​​​អង្គការគ្រឹះស្ថានផលិតសៀវភៅប្រភពប្រាជ្ញា​​​។

សៀវភៅនេះគូររូបភាពដោយ លោកគ្រូ មឿន ចន្ទសុខា។ លោកគ្រូ ជាគ្រូគង្វាលនៅក្រុមជំនុំមិត្តសម្លាញ់ និង​​​ជាវិចិត្រករផងដែរ។