ពាក់កណ្តាល! ពាក់កណ្តាល!

សេចក្ដីពិពណ៌នា

សៀវភៅ ពាក់​​​កណ្តាល! ពាក់កណ្តាល! ចង់​​​បង្ហាញពី​​​ក្តី​​​ស្រឡាញ់ និង​​​ការ​​​ចេះ​​​ចែក​​​រំលែក។ មនុស្ស​​​ភាគច្រើន​​​យល់​​​ថា ទាល់​​​តែ​​​ខ្លួន​​​មាន​​​ជាបរិបូរហូរហៀរ នោះ​​​ទើប​​​អាច​​​នឹង​​​ចែក​​​ខ្លះ​​​ដល់​​​អ្នក​​​ដទៃ។ សៀវភៅ​​​នេះ​​​នឹង​​​ជួយ​​​ឲ្យ​​​កុមារាកុមារី ចេះមាន​​​ចិត្ត​​​អាណិត​​​អាសូរ​​​ដល់​​​កុមារ​​​ដទៃ តាម​​​រយៈសកម្មភាព​​​ជាក់​​​ស្តែង ទោះ​​​បី​​​ជា​​​ពួក​​​គេ​​​ស្ថិត​​​ក្នុង​​​វ័យ​​​កុមារ ក៏​​​ពួ​​​ក​​​គេ​​​អាច​​​ធ្វើ​​​ការ​​​នេះ​​​ផង​​​បាន​​​ដែរ។ ជាង​​​នេះ​​​ទៅ​​​ទៀត តាម​​​រយៈសៀវភៅ​​​នេះ ឪពុក​​​ម្តាយអាច​​​ទទួល​​​បាន​​​របៀប​​​ល្អៗ ដើម្បី​​​បង្ហាត់​​​បង្រៀន​​​ និង​​​បណ្តូះ​​​គំនិត​​​កូនៗឲ្យ​​​ចេះ​​​ចែក​​​រំលែក ជួយ​​​ដល់​​​អ្នក​​​ដទៃ​​​ទៀត។

របៀប​​​ប្រើ​​​ប្រាស់​​​សៀវភៅ​​​នេះ៖

• សូម​​​ឪពុក​​​ម្តាយ​​​ ឬអាណាព្យាបាល​​​ចំណាយ​​​ពេល​​​អាន​​​ ឬនៅ​​​ជាមួយ​​​កូនៗ​​​ពេល​​​អាន។
• សូម​​​អាន​​​ដោយ​​​បញ្ចេញ​​​សំឡេង បញ្ចូល​​​មនោសញ្ចេតនា និង​​​ជួយ​​​ពន្យល់ពាក្យ​​​ ព្រម​​​ទាំង​​​អត្ថន័យ​​​ដល់​​​កូនៗ។
• សូមមេត្តា​​​កំុ​​​សួរ​​​សំណួរ​​​ទៅ​​​កូនៗ ពេល​​​កំពុង​​​អាន។
• សូម​​​លើក​​​ទឹក​​​ចិត្ត​​​កូនៗ​​​ឲ្យរៀន​​​អាន​​​ដោយ​​​ខ្លួន​​​ឯង និង​​​រំលឹក​​​ចំណុច​​​សំខាន់ៗ។
• សូម​​​លើក​​​ទឹក​​​ចិត្ត​​​កូនៗ​​​ ឲ្យ​​​ធ្វើ​​​សំណួរ​​​ល្បង​​​ប្រាជ្ញា​​​បន្ទាប់​​​ពី​​​អាន​​​ចប់ ដោយ​​​ផ្តល់​​​ឱកាស​​​ឲ្យ​​​កូនៗ​​​ឆ្លើយ​​​សំណួរ​​​ដោយ​​​ខ្លួន​​​ឯង។

សៀវភៅនេះនិពន្ធឡើងដោយ អ្នកស្រី ឌឹត សាវី ជាអ្នកនិពន្ធខ្មែរ​​​ដែល​​​ទទួល​​​បានការបណ្តុះបណ្តាលពីអង្គការគ្រឹះស្ថានផលិតសៀវភៅប្រភពប្រាជ្ញា និងស្ថាប័នផ្សេងៗជាច្រើន​​​ទៀត ទំាង​​​នៅក្នុង​​​ស្រុក និង​​​ក្រៅ​​​ស្រុក​​​ផងដែរ។ អ្នកស្រី បាន​​​បម្រើ​​​ព្រះក្នុង​​​ព័ន្ធកិច្ច​​​កុមារប្រហែល​​​ជិត១០ឆ្នាំ និងបាន​​​សរសេរ​​​សៀវភៅ​​​ជាច្រើន។

សៀវភៅនេះគូររូបភាពដោយ ហម អរុណ។ លោកមានចំណូលចិត្តគូរគំនូរ ចម្លាក់ និងចូលចិត្តសូនរូប។